miércoles, 16 de diciembre de 2009
Bo Nadal 2009 e Próspero Aninovo!
lunes, 12 de octubre de 2009
viernes, 9 de octubre de 2009
Eduardo Galeano. Crónica de cueiros e teléfonos móbiles, para reflexionar.
|
miércoles, 30 de septiembre de 2009
Sobre os VII Encontros de Educación Infantil
Os Encontros de Educación Infantil son sempre reconfortantes.
É un lugar para atopar a eses compañeiros/as que aprecias e que só ves nestas ocasións.
É un lugar para emocionarse ante a ilusión de centos de docentes por ser cada vez máis competentes.
É un lugar para compartir ideas e moitas, moitas preguntas.
É un lugar para aprender e para ser consciente do moito que che queda por saber!!
Con algo de cansazo, deixámosvos aquí unha migalliña do moito que nos ensinaron para que en futuras ocasións compartades connosco esta gratificante experiencia. :-)
"Ler e escribir na escola, intentémolo!"
Da redonda conferencia de Myriam Nemirovsky destacariamos a necesidade de que o mestre/a se converta nun modelo lector para os seus alumnos/as.
- Compartamos cos nenos e nenas as nosas afeccións lectoras. Comentemos os libros que estamos lendo.
- Levémoslles a clase as novelas que lemos, os libros, as revistas que consultamos, estudamos, a columna do xornal que soemos ler...
- Leámoslles en voz alta textos que valoremos fondamente, tamén ós máis maiores.
- Falémoslles dos nosos autores/as preferidos.
- Comentémoslles as dúbidas que nos suscitan as lecturas, compartámolas con eles/elas.
"As competencias de pensar ben (e pasalo ben!)"
Podedes ollar o seu proxecto educativo, neste enderezo:
"Xogamos coas emocións?",
( 2º premio innovación educativa 2008)
Obradoiro de Abraham Dguez. Cuña e José L. Fariña García,
"Competics"
redetic
didácticatic, autoformación en TIC
educ@contic
ticne, solucións tic para alumnado con NEE
pequesreboreda, Proxecto rural Wins, competencia dixital na escola rural
miércoles, 19 de agosto de 2009
lunes, 17 de agosto de 2009
Camiño de Santiago a Fisterra
Etapas
- Santiago - Negreira
- Negreira - Olveiroa
- Variante por Hospital
- Olveiroa - Muxia
- Etapas comúns
- Olveiroa - Corcubión
- Corcubión - Fisterra
- Fisterra - Lires
- Lires - Muxía
Esta ruta xacobea, ten a súa orixe na cidade de Santiago e a súa meta no cabo Fisterra e o Santuario da Virxe da Barca.
Case dende o achado do sepulcro do apóstolo Santiago (s. IX), determinados peregrinos decidían prolongar a súa viaxe até a Costa da Morte, que era para os antigos a punta máis occidental de Europa, o treito final dun itinerario marcado no ceo pola Vía Láctea.
A partires do s. XII, o Códice Calixtino vencella estas terras coa tradición xacobea e sinala que os discípulos de Santiago viaxaron a Dugium, actual Fisterra, na procura da autorización dun legado romano para soterraren ao Apóstolo en Compostela e que alí foron encarcerados. Lograron fuxir, e a piques de seren alcanzados, cruzaron unha ponte que se esborrallou ao paso da tropa romana que os perseguía.
A tradición xacobea do finisterrae galego alicérzase en dúas das devocións máis populares de Galicia; o Santo Cristo, en Fisterra, do que o licenciado Molina (s. XVI) di que a el "acoden os máis romeiros que veñen ao Apóstolo"; e A Virxe da Barca, en Muxía, que segundo a tradición acudiu a este fermoso lugar nunha barca de pedra para lle dar azos a Santiago na súa predicación.
Fonte: xacobeo.es
martes, 14 de julio de 2009
jueves, 11 de junio de 2009
A short love story in stop motion, do arxentino Carlos Lascano
A SHORT LOVE STORY IN STOP MOTION from Carlos Lascano on Vimeo.
As linguas suman
From ENDL |
miércoles, 20 de mayo de 2009
A terra está maliña, coidémola!!
Reflexionemos xuntos/as!
Do disco da cantante Bebe, Pafuera telarañas
sábado, 9 de mayo de 2009
POLO FUTURO DA ESCOLA, É HORA DE MOBILIZARNOS!
Zapatero equivócase
Debo confesar que, ás veces, peco de inxenua. Cando lin a LOE e escoitei un discurso que me era familiar: a aprendizaxe en grupos cooperativos, por proxectos , a resolución de problemas... pensei que, por fin, os/as lexisladores/as comprendían cal era o camiño, quizás obrigados/as polos malos resultados das probas PISA.
Parecía unha senda sen retorno, que levaría tempo e esforzo, pero sen volta atrás. Ata me lancei, nisto das competencias, á procura da miña competencia dixital, case camiñando da man dos meus propios alumnos/as.
Foi entón cando escoitei a un compañeiro falar do software libre fronte ó privativo, de compartir aprendizaxes, información, de colaborar... e fixen miña esta filosofía, coherente cos meus principios pedagóxicos.
Co anuncio de Zapatero de regalar un portátil a cada alumno/a de Primaria con software privativo co fin de dixitalizar o sistema educativo, colaborando cóbado con cóbado coa industria editorial e con operadores de telefonía, quedei en principio perplexa e, acto seguido, pasei á indignación.
Por que substituímos o libro de texto en papel como ferramenta básica na aula polo libro de texto virtual?
O traballo por competencias non implicaba un cambio metodolóxico que deixaba nun 2º plano ó libro de texto?
Non chega coa gratuidade de libros de texto, que agora imos perpetualos adornándoos cunha aureola de modernidade?
Que uso se van facer das tecnoloxías? Serán unha ferramenta para unha aprendizaxe significativa ou un novo envoltorio dos caducos libros de texto?
Por que obviamos a aposta que algunhas CCAA están facendo polo software libre, se este fomenta valores tan importantes como a cooperación, solidariedade, a aprendizaxe compartida..., todos eles piares da LOE?
Que pretende a Administración, comprar votos, cun custe económico mínimo, favorecendo a catro empresas privadas, sendo unha vez máis incoherente coa súa propia lexislación educativa?
Acaso pretende “modernizar” a escola (Escola 2.0) sen analizar o currículo oculto que esta decisión implica?
Por todo o anteriormente exposto, demando ó goberno de Zapatero que rectifique a súa decisión e utilice o investimento económico previsto en impulsar a formación do profesorado en TIC dende un punto de vista competencial, dotar ós centros de máis e mellores recursos tecnolóxicos e dar un pulo significativo á utilización dos software libre na escola.
Noticia onde se recolle a iniciativa do goberno
Neste blog Eduardo Larequi fai unha magnífica análise da iniciativa do goberno que non debedes de deixar de ler.
O galego SUMA
Belén Regueira, xornalista galega, recibiu o premio Mestre Mateo á mellor comunicadora galega de TV do ano 2008. Sintetizou valentemente, na súa intervención, a situación actual que está a vivir o galego. Atreveuse a dicir publicamente o que moitos pensamos e algúns non querer oír...
Apoia o manifesto a prol da CONVIVENCIA LINGÜÍSTICA e da IGUALDADE DE DEREITOS PARA O GALEGO.
Hoxe é máis necesario que nunca,
PARTICIPA NA MANIFESTACIÓN DO 17 DE MAIO!!
martes, 5 de mayo de 2009
Software libre nas escolas de primaria ou Windows?
O debate está servido, con dúas opcións extremas:
1. Aceptar o software de Microsoft (Windows e Office), unha marca que ten o monopolio no sector, e que ten intereses empresariais concretos para incluso regalar o software se fose preciso (crear potenciais usuarios para o futuro, dependentes dos seus produtos)
2. Defender o uso exclusivo de software libre nas aulas (GNU/Linux, Firefox, OpenOffice...). Que o software sexa libre implica entre outras cousas que tamén é legal distribuír copias sen pagar licenzas e acceder ao código fonte dos programas. Para saber algo máis ver neste enlace de introdución ao software libre.
O software libre é unha especie de medicamento xenérico fronte ao de marca, se facemos unha analoxía coa industria farmacéutica. Para que imos pagar máis os usuarios por un produto que nos ofrece basicamente as mesmas prestacións?
No debate entran aspectos de puro utilitarismo técnico, económicos... pero tamén, e tal vez isto sexa o máis importante ao falar de educación, aspectos éticos e filosóficos... pois no fondo nas escolas estamos deseñando a sociedade do futuro.
Algunhas das razóns a favor do uso do software libre nas escolas:
- por seguridade: ausencia de necesidade de antivirus, internet e conexións máis eficientes e seguras
- por gratuidade e legalidade: miles de aplicacións gratuitas sen necesidade de piratear nada
- por rendemento e ergonomía: capacidades multimedia maiores, estabilidade da execución dos programas e uptime do sistema
- por localización: sistema e aplicacións traducidas nas linguas oficiais do país (case definitivo se é unha cuestión autonómica)
Razóns para o uso do software libre na escola
Vídeo de Stallman sobre o mesmo tema
Hispalinux censura o custo económico e a dependencia tecnolóxica da "solución" Microsoft para a educación, publicado en GALPon.
Zapatero se equivoca, artigo de Jordi Adell
Software libre en educación infantil y primaria, de Jordi Adell (descargar en .zip)
Razóns a favor do software privativo (Microsoft Windows e Office):
- Uso moi espallado do Windows: coñecémolo de sobra
- A posible predilección dos nenos: para xogar usan básicamente Windows (aínda que o mini-portátil non iría cos xogos come-recursos)
Tamén podes seguir o debate aberto na rede social Internet en el Aula.
Máis debate en Zapatero se equivoca
Tamén en Twiter
Publicado por Xosé Vidal, no blog do CEIP A Rúa
lunes, 13 de abril de 2009
A WALK ON IRELAND
Como cando descubrín a bella Toscana, botei en falta os óleos, o lenzo en branco para inmortalizar unha paisaxe fermosa, plácida, serena... que marca unha impronta no carácter do pobo que o habita.
Amantes da familia, afables, cun grande sentido do humor, sinxelos, fortes de corpo e espírito...os/as irlandeses/as superaron ó longo da historia duras batallas e son un claro exemplo de tenacidade e optimismo.
Aínda que botei en falta os manxares da nosa terra, creo que de cando en vez deberiamos ollar cara ó norte, onde o ceo é case sempre gris, é lembrar que para ser felices só é necesario o imprescindible.
From fotos Irlanda abril 09 |
Visualizar o mapa ampliado
miércoles, 1 de abril de 2009
2009, ANO INTERNACIONAL DA ASTRONOMÍA
Dende entón, mergullámonos en 400 anos de descubrimentos astronómicos.
Esta revolución científica cambiou a nosa forma de ver o mundo.
Actualmente telescopios dende o espazo e dende a terra exploran o universo 24 horas por día.
Hai programadas 1500 actividades en 130 países.
Para máis información, preme na imaxe.
ASTRONOMÍA PARA NENOS/AS
Aquí tendes unha serie de enlaces con actividades, xogos e información para os máis pequenos/as.
Axencia Espacial Europea . ESA-Kids
NASA. Space Place
Planetario Kokone
EducaMadrid
Sistema solar básico
Pregúntalle a un astrónomo
Veña, a gozar do infinito e máis aló!!!
miércoles, 28 de enero de 2009
STELLARIUM, UN PROGRAMA PARA CALCETAR UN COBERTOR DE ESTRELAS
Stellarium é un programa gratuíto e de código aberto.
Moi doado de instalar e cun manexo accesible a tódalas idades.
Dispón dun Wiki onde os usuarios/as van colaborando co programa.
Con distintas opcións de visualización para comprender mellor as constelacións.
E con información detallada de cada obxecto.
Características da última versión:
Versión 0.8.2
ceo
- máis de 120,000 estrelas do catálogo Hipparcos con información adicional
- asterismos e ilustracións das constelacións
- imaxes de nébulas
- Vía Láctea realista
- atmosfera realista, saída e posta do sol
- os planetas e os seus satélites
interface
- un zoom poderoso
- control do tempo
- interface multilingüe
- scripts para gravar e reproducir o teu propio show
- protección tipo fisheye de 180° para domos planetarios
- proxección esférica reflectida para o teu propio domo
- interface gráfica e extensivo control de teclado
- control de telescopio
visualización
- retículas ecuatorial e acimutal
- estrelas rutilantes
- estrelas fugaces
- simulación de eclipses
- paisaxes que podes personalizar, agora con proxección panorámica esférica
personalización
- achega os teus propios obxectos do espazo profundo, paisaxes, constelacións, imaxes, scripts...
Actualización:
10 interesantes recursos, animacións e sitios interactivos.
Night Sky Delight: 10 Awesome Animated and Interactive Astronomy Websites
FONTE: http://biblioweb.blogspot.com/2009/01/stellarium.html"Unicamente podemos ver o 4% da totalidade do Universo, que permanece invisible, coma unha pantasma, feito de materia transparente e embebido nunha enerxía misteriosa"
sábado, 24 de enero de 2009
O CEIP A Rúa, pola paz
Os cativos de 1º estamos moi tristes pola guerra de Gaza.
O outro día a profe Ana leunos o libro Sacapenas. Fala da tradición guatemalteca de colocar sacapenas, monecos pequeniños, debaixo da almofada por cada pena ou preocupación que teñas, así desaparecerá.
Decidimos enviarlles ós pícaros/as de Gaza uns sacapenas elaborados coas nosas mans. Acompañarémolos cunha carta que estamos a redactar.
Estes días falamos de moitas cousas:
-"Temos que parar esta guerra XA! Cos sacapenas non imos parala " :-( , dicía Soukaina.
- "Xa sabemos que non imos parala, pero os nenos quedarán máis tranquilos", comentaba Cristina.
-"Para unha pena tan grande necesitabamos un sacapenas tan grande coma un coloso", engadía Sergio.
Animamos a tódolos nenos e nenas do cole a que tamén elaboren sacapenas para envialos a Gaza, son moitos e están moi tristes, seguro que o agradecerán.
Aquí deixámosvos unhas fotos do que estamos a facer.
En canto teñamos redactada a carta colgarémola no blog.
22/01/09
Aquí tendes os sacapenas e a carta para os nenos e nenas de Gaza
Falamos cunha ONG que se vai encargar de que chegue ao seu destino.
Tamén van traducila ao seu idioma, para que a comprendan.
Ola, nenos e nenas palestinos:
Somos os nenos e nenas de 1º de Primaria do colexio A Rúa de Cangas de Morrazo, en Galicia (España).
Mandámosvos sacapenas para sacar o voso medo. Compartídeos e poñédeos debaixo da almofada. Contádelle unha pena a cada un porque así quedaredes máis tranquilos.
Queremos que pare a guerra dunha vez por todas e que non morran máis persoas. Que dialoguen os xefes de Gaza e Israel.
Moitos bicos de todos e todas e que os sacapenas vos poñan contentos.
Mario, Candela, Sergio, Soukaina, Álvaro, Anira, Rubén, Yanira, Nico, Cristina G., Laura, Néstor, Andrea, Pedro, Ían, Hanane, Antón, Celeste, Cristina O., Inés e Santi
A carta percorrerá 4000 kilómetros, o que podedes observar neste mapa.
Visualizar o mapa ampliado
martes, 20 de enero de 2009
domingo, 18 de enero de 2009
domingo, 11 de enero de 2009
sábado, 10 de enero de 2009
E o mundo mira para outro lado...
Pido la Paz y la Palabra
Escribo
en defensa del reino
del hombre y su justicia.
Pido
la paz
y la palabra.
He dicho
«silencio»,
«sombra»,
«vacío»
etcétera.
Digo
«del hombre y su justicia»,
«océano pacífico»,
lo que me dejan.
Pido
la paz y la palabra.
Blas de Otero
El herido
Para la libertad sangro, lucho, pervivo,
Para la libertad, mis ojos y mis manos,
como un árbol camal, generoso y cautivo,
doy a los cirujanos.
Para la libertad siento más corazones
que arenas en mi pecho: dan espumas mis venas,
y entro en los hospitales, y entro en los algodones
como en las azucenas.
Para la libertad me desprendo a balazos
de los que han revolcado su estatua por el lodo.
Y me desprendo a golpes de mis pies, de mis brazos,
de mi casa, de todo.
Porque donde unas cuencas vacías amanezcan,
ella pondrá dos piedras de futura mirada
y hará que nuevos brazos y nuevas piernas crezcan
en la carne talada.
Retoñarán aladas de savia sin otoño
reliquias de mi cuerpo que pierdo en cada herida
Porque soy como el árbol talado, que retoño:
porque aún tengo la vida.
Miguel Hernández
O Guernica dos Palestinos, por Sami Naïr
domingo, 4 de enero de 2009
A propósito de "Como unha novela"
Creo que foi un dos momentos máis intensos da miña experiencia docente ata o día de hoxe e que nunca esquecerei.
Situémonos. Aula de Plástica. Un grupo de alumnos/as de 6º, ós que lles impartín clase en Educación Infantil, faime unha petición:
-Ana, recordas cando de pequenos nos lías o conto A bruxa Xertrudis?
-Claro, como non o vou lembrar!!
-Poderías traelo o vindeiro día e volvérnolo contar?
-Si. Traereino o vindeiro día que teñamos clase de Plástica.
Cando comecei a lectura, quedei abraiada, todos e todas, sen excepción, dispostos arredor de min, pecharon os ollos mentres lía. Emocioneime!!
Cando rematei, unha nova petición:
-Agora, métenos dentro do conto, como facías en Infantil!
E así estivemos un bo rato no que volveron un día máis a se-los protagonistas dun conto "infantil".
Doulles as grazas a todos eles/elas por este regalo que gardarei na miña colección de momentos.